[frame="2"][align=center]بسم الله الرحمن الرحيم
السلام عليكم ورحمة الله وبركاته
°ˆ~*¤®§(*§*)§®¤*~ˆ°خيــــــــــــــــــــــــــانه & خيـــــــــــــــانه°ˆ~*¤®§(*§*)§®¤*~ˆ°
قلبك يغرّك وانت فالحب تحتال
وشلون شايل بين الاضلاع قلبك
مدام مالك بالهوى ( فيّ ) وظلال
مايختلف لو شفت سلمك وحربك
كنت احسبك تعطي على كل الاحوال
واثر العطا ما وافق بيوم دربك
عشتك ( ألم ) كلك متاهات وهبال
معنى العذاب وجاير الهم .. قربك
طبعك تجاوز للاسف طبع ( الانذال )
ليتك تحس بحرّ ( نارك ) وكربك
في داخلي يبني لك ( الكره ) تمثال
بين ( الحنايا ) لو تصورت .. يربك
خنت العهود وجيتني ( حيل ) تختال!!
الوجه شرق و ( نيتك ) يم غربك
غدرك معك في داخلك ( حي ) ما زال
ماهو غريب ان صار ( زادك ) وشربك
لا تحسبن جروح .. مثلك على البال
من صد ( جيشك ) قادر إيبيد ( سربك )
مات الشعور ولا بقى فيه ( مثقال )
تعبت اجامل .. وادفع ( اتعاب ) كذبك
خذها صريحة واصدق القول .. ينقال
هجرك دواك وزايد ( البُعد ) طبك
وش تنتظر بالله .. يا متعب الحال
إرحل ولملم .. مع بقاياك .. ذنبك
ماعاد قلبي ينظرك ( عزّ ) واجلال
لو ( مت ّ ) عنده ترتجي .. ما شعر بك
فرصه عطيتك وانتهى وقت ( الامهال)
اعلنت فيها ( للملأ ) موت .. حبك
للشاعر محمد العسكر
دمتم بحفظ الله ورعايته[/align][/frame]
10-07-2006, 07:01 AM
اجواد 
[/align]
العرض العادي
