معاناتي مع السوق - موسوعة عالم حواء

**დ đlз bηάтyαţ ღ** · 03-17-2008, 08:23 PM

سلاموووووووووون عليكم

بصـــراحه موحاله ذي يعني كل مره اروح السوق لازم اطيح عند البوابه الرئيسيه..

.ليش؟؟وش السالفه؟؟؟وش صاير؟؟ وت هبن؟؟شونغ يونغ؟>>>لا جبتيها ماشاء الله عليك

...الظاهر ابليس يشتغل سيكورتي هناك وكل ماشافني ادخل حط رجله...وجع مالت عليه

تخيلو..

.اول ماوصلنا المجمع فتحت باب السياره ونزلت ركضضضضضضضض....

بروح عند البوابه اللي تنفتح لحالها اول مااجي...ياناس استانس عليها...تحسسني اني مهمه...

المووووووووهم....واطيح لكم ذيك الطيحه...وانطح اللي قدامي براسي واطيّحها معي...>>>اخت زيزو بالرضاع

وبعدها تشنّجت 4 ساعات مدري 9 ساعات مدري 11 ساعه...في هالحدود يعني

المهم...ماعرفت اتحرك من الاحراج مو من شئ ثاني...

ياربيييييييييي...وشلون اقوم...وشلون اواجه الناس قولو لي..

وين اودي ويهي منه لو سألني عن غلاه؟وين اودي ويهي منه دام قلبي مايبيه؟؟<<اغني

واقوم انقلب على ظهري واتمغط...

يعني اني اسوي رياضه ماطحت

...وتجي امي بتكحّلها...راحت حطت مسكره ودخّلتها في عيونها وعمتها>>عمتها والا خالتها

..الله يهديها بس....قامت تضحك ضحكتها المعهوده

...واااااااااااااك وااااااااااك واااااااااااك>>>بطه مو ام

قومي بس فشلتينا...قومي الله ياخذك...

واروح اغمز لها...يعني اوص الله لايهينك

لكن وييييين تفهم...غمزت لها مره..مرتين..ثلاثه..ماباقي الا ارقّمها...

عموما...طلّعت منديل ابيض واستسلمت للأمر الواقع..و.قمت..

دخلت المجمع...والا انا اصرخ ذيك الصرخه...اللي حتى شغالتنا بأندونيسيا..دقّت علينا تقول عسى ماشر((ياكبرها عند ربي))

شفت بنوته تمشي..طبعا الاطفال اللي في هالعمر((مابين 5 شهور وسنتين)) اذبح نفسي اذا شفتهم...

لاشعوري اصرخ ومااتركه الا اذا قبصت خده...ياقلبس عليهم فديتهم انا..

.ذيك المره اهلي ضيّعوني بالسوق

وبعد شوي شافوا ولد صغير من النوع اللي يمشي ويطيح..وسعابيله نازله على جنب...يمي يمي هههههههههههههه

المووووووووووهم...ويجون لمه عشان يصيدوني..ماوصلوا عنده الا وشافوني قاعده افحط وراه((وينه وينه وينه جيبوه))>>>حشى قاعده الحق خروف

ويقوم ابوي يحذفني بالنعال...وتطيح شبّاصاتي من شعري>>>شجره مووب آدميه>>>آد ميـه والا آد تسعه وتسعين

آآآآخ خلوها على الله>>>درينا انك حنونه خلاص يرحم امك

اما هذي وربي شيء

اذا شفت تجمّع بزارين وكل واحد ماسك بالونه>>>ماسك بالونه والا قناع بالونه

وقاعد يسوي بيده علامة مع السلامه

تقل قاعدين في محطّة قطار وكل واحد بيودع اهله...ا
اعرفوا ان القناه الاولى مسويه مسابقات وحاطين لهم كم كاميرا ...

عاد اللي ماسكه الجوّال وتكلّم عمها في بريطانيا((عمي عمي حطه عالقناه الاولى بتشوفني الحين))>>>كن تطلع عندهم عاد

واللي تكلّم امها((تكفين يمه سجلي الحلقه بوريها صديقاتي))...

واللي يكلم اخوياه..ويعزمهم عالعشا بهالمناسبه... صار مشهور الحين....

عاد البزارين...كل واحد راكب فوق الثاني....حشى مقصف مووب كاميرا...غصبببببببببببب يسوون لها باي....

...اوووووووف...والا الاسأله..لاتفوتكم....وش اسمك ياحلو؟؟ مين تحب اكثر ماما والا بابا؟؟...تحب تلعب كوره؟؟ شااااااااااااااطر عطووه جائزه...

والبزر طالع لسانه وحاط يدينه في جيب البنطلون

وينزل مسكين بياخذ الجائزه...ويعطونه كيس مكتوب عليه (برعايه كاس ابو رز مدري رز ابو كاس).....

.يفتح الكيس ..كالعاده...مقلمه مخيسه مرسوم عليها بات مان...

واذا صارت بنت...يعطونها زمزميه مرسوم عليها باربي...

عاد شوفوا الضحكه اللي تشق وجيييييييههم شق
كنهم عيال فقر الحين وماعمرهم شافوا خير

الموووووووووهم
اذا خلّصت المسابقات يشّغلون لك....

خادمه خادمه في بيتنا خادمه....وش دخل الخادمه بالسالفه؟؟ قاعدين في سوق والا في مكتب استقدام...

قال ايش...قال مهرجااااااااااااااااااااااااااااان قال

خلونا من هذي...وتعالوا شوفوا اختي.

..يعني اذا دخلنا محل من غير ماتهزيء صاحب المحل...معناها فيه شئ...معجزه

مثلا...بتشتري بنطلون...يقول لها بـ100 ريال....تقول له.. لا...بخمسين....يقول لها...لا....

على طول...تطلّع من داخل عبايتها علبه خضرا وترميها في الهواء وتفتح فمها وتاكل السبانخ>>>تحب تشوف بباي

عاد حنا ماعندنا سباخ يجي بعلبه اسطوانيه...فـ تستبدلها بـ فول مدمّس..وتستلم الرجّال

استحيييييييييييييييي اذا دخلت معاها......ساعات اقعد بره المحل...واشوف نعل تتحاذف وصحون وملاعق>>>تووم وجيري مووب احسن مننا

وفجأه يطلع صاحب المحل وفانيلته مشقوقه والدم طالع من خشته .

.مو ناقص الا تطلع شاره مكتوب عليها((قصة وسيناريو: فجر السعيد))

وغييييييير وغيييييير...معاناااااتي بالسوووق بلا حدود

والله يعين

عاد الله الله بالردود ترى تعبت حيل ياربي وانا اهلوووس...

اميره الاضواء · 03-17-2008, 09:25 PM

هههههههههههههههههههههههههههه

هههههههههههههههههههه

هههههههههه

الله يسعدك

تسلم ايديكي على هيك موضوووع

**დ đlз bηάтyαţ ღ** · 03-18-2008, 12:01 AM

دوووم الضحك اميييرهـ منورتني

**قويت** · 03-18-2008, 12:05 AM

ههههههههههههههههههههههههههههه
ههههههههههههههههههههههههه
...>>>اخت زيزو بالرضاع
سلميني سلام كثير
هههههههه
الله يسعدك يالغاليه

**დ đlз bηάтyαţ ღ** · 03-19-2008, 12:07 AM

الله يسلمك قوويت دوم الضحك يارب

ومشكوور على المروور

**و ل و د ي** · 03-19-2008, 04:24 PM

ه هههههههههههههههههههههه ه
ه هههههههههههههههههههه ه
ه ههههههههههههههههه ه

الله يسعدك يا دلوعه

**عديمة الاحساس** · 03-19-2008, 04:30 PM

هههههههههههههههه

الله يعطيك 1000 عفيه

**დ đlз bηάтyαţ ღ** · 03-20-2008, 01:33 AM

منوريني حبايبي ومشكورين على المروور

اسلاميات	الشعر والادب	عالم حواء	الجوال	الالعاب
البرامج	دليل المواقع العربية	دليل المواقع الاجنبية	مركز تحميل	ألبوم الصور
مكتبة الصور	الماسنجر	السمايلز	الخليج العربي	الوطن العربي
الاسرة المسلمة	الطفل	الموسوعة الطبية	موسوعة الحج	تفسير القرآن الكريم
منتدى الافلام	منتدى بناتيات	منتدى الشعر والادب	فقه الصيام	صانع الصور
الافلام	الفيديو	يوتيوب	البريد	اتصل بنا

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ليلة الشوق بطاقه فلاشيه	قويت	تصاميم	9	09-16-2008 05:44 AM
نصائح وتوجيهات لكل مبتدئ	sandra girl2005	تداول الاسهم	5	08-23-2007 02:32 PM
أغنية رضا التي لم تنزل في السوق اسمعها قبل غيرك .....	مدينة الحب	ستوديو	4	02-13-2006 02:01 AM
أغنية رضا التي لم تنزل في السوق اسمعها قبل غيرك .....	مدينة الحب	سلة المحذوفات	2	02-09-2006 03:06 AM

الذين يشاهدون محتوى الموضوع الآن : 1 ( الأعضاء 0 والزوار 1)