هذي قصة حقيقيه مو من نسج خيال كاتب او قصه بمنتدى ....
هذي قصة انسانه عزيزه على قلبي ...
حبيت اضعها بين اياديكم واتوقع تجاوبكم معها وربي قهررر
كانت فتاه في المرحله الثانويه تخرجت من الثانويه عمرها 18 سنه تقدم لخطبتها ابن عمها اللي يكبرها بـــ6سنوات
تم الزواج وسط فرح الاهل كان الزوج قلبه طييب وكانت حياتهم حلوه
رزقهم الله بولد وكان اول فرحتهم كان الاب يحب ولده وهو يشوفه يكبر قدامه تعللللق قلب الاب بولده و تعللق الولد بابوه
يوم من الايام .... وكان بداية المأساة>>> الاب دخل السجن .. وولده عمره سته شهور
عاشت الام معاناة فقد الزوج الحبيب ... والدنيا وقوتها على قلبها الضعييف...ومعاناة ابنها الصغير
ونظرة اليتم بعيونه ... كبر الولد .. صار عمره سنه ماعرف ابوه .. كان مثل اي طفل يقول بـــــابـــــا .... ,,,لكن ماعرف منهو
بابا...صبرت الام على قدرها ورضت بقضاء الله؟؟؟
مرت الشهور... الايام فعلا رحمة ربي اوسع من كل شي طلع الابو من السجن؟؟وكانت نفسيته تعبااانه وداايم تعبان
بعد معناة سنه و خمسه شهور والتم شمل الاسره الصغيره من جديد ....
عاش الصغير بين احضان امه ابوه من جديد
مشت حياتهم ورجعت البسمه لهم وسط ظروف صعبه الاب بدون وظيفه ..كان عايش عند اهله.. وهم اللي يصرفون عليه..
وكانت اكبر معاناه للزوجه...اصعب شي انك تعيش تحت جبروت ظالم يحاسبك لو على خبزه صغيره>>> مع ان ابو الزوج موجود
ومقتدر لكن حب المال عمى على عيونه... بدت المشاكل بين الاهل والولد صار يكره زوجته... وربي انها كانت معها نعم الزوجه
تحملت سجنه وهم ولدها ... صارت له الام والابو,,, تحملت ضيم اهله...بالرغم من سنها الصغير
وفووووق هذا كله كانت متمسكه بزوجها ماتبي مأساتها هي ولدها تنعاد,,,صبرت وتحملت ظلم امه كانت قوويه ,, كلمتها هي
اللي تمشي ,, ياناس وربي كل مشكله بين ولدها وزوجته هــــــــي السبب وكبرت المشاكل بين الزوجه والاهل لدرجه وصلت لموقف تبكي له القلوب قبل العيون ,,, كان في هااليوم الزوج طالع رجع بعد منتصف الليل ,,كالعاده الام مع بناتها مجتمعين
جلس معهم وصارو يتكلمون بزوجته وهو عمره مادافع عنها ولا اخذ لها حقها,, اي زوج هذا والا اي اب هذا وش قلبه اللي بين ضلوعه,,, نادى زو جته وكان معصب ومشحووووووووون عليها واجـــــــــــه زوجته المسكينه قدام امه وخواته ,,, خانتها دموعها
حست بالذل ,,, حست بالخوووف وينه حبيبها ماصدقت ,,, ان اللي واقف قدامها حـــــــــــــبيبها,,,
بعد كلام من الام والزوج ماتحملت الزوجه وطلعت لغرفتها.. طلع وراها زوجها وامه وخواته ,,, خافت على نفسها .. على ولدها .. على اللي بطنها.. كانت مواجهه صعبه ماقدرت تدافع عن نفسها مع انها كانت مظــــــــــــــــــــــــلومه..
كانت تشوفه قدامها ثـــــــــــــــــاير يصارخ يكـــــــــــــــــــــــــسر اللي قدامه .. وامه تتكلم عليها واخته و,, و,,, كانت تبكي بالم
وهي تشوف ولدها الصغير النايم ... ماتبيه يقوم وينصدم مثلها ....
هي استغربت مامـــد يده عليهالين الحين يمكن ربي رحمها لانها حــــــامل
ماتحملت المسكينه فقدت وعيها ,,,تركوها مثل الميت... حتى اقرب الناس لها مافكر يساعدها .. تركها وسط جروحها اللي تنزف قهر.. تركها وهي ماتدري وشو اللي صار لها .. حلم والا كابوس؟؟؟؟جلست طول ليلها تبكي لحالها مثل السجينه .. لاتقدر تطلع لهم حتى الاكل وربي حرموها هذا موقف من الف موقف معهم...
نسى الزوج ورضى بعد مارضت امه وعودت الزوجه نفسها على حالة زوجها الغريبه يوم يكون لها حبيب ويوم اكبر عـــــــــدو

مرت الشهور جا وقت ولادة الزوجه ,,, سافرت لاهلها
وكان الزوج يكلم زوجته ويقووول انه مشتاق لها ولولده كان يعد الايام عشان يشوفهم ,,
وفي يوم الخميس كلم زوجته كالعاده...
وكانت هذي المكالمه هي اللي قضت على حياة الزوجه ,,,
معقوووله ... هذا حبيبها,,, هذا اللي ضحت بحياتها عشانه والا كان بيدها تطلب طلاقها
لكنـــــــــــــــــــــــها,,,, وش لقت منه بعد كل اللي سوته عشانه
وربي قلــــــــــــــــبه حجر مافيه رحمه ..
قالها انتي كذابه ..ليش لما الحين ماولدتي هذا مو شهرك
كلام تاااااافه ضيع فيها زوجته وولده واللي بطن زوجته قالها بصريح العباره .. انســـــــــــــــــــــــــــــيني
كان كل كلامه من امه... صارت تمشي وتتكلم بزوجة ولدها ,,
انتهت المكالمه على شرر
وليلتها تعبت الزوجه وكانت رحمة ربي اقرب لها ولدت,,,وجابت بنت .. عاشت هم زوجهاوظلمه لها وهم الولاده,,
كانت اصعب ايام حياتها,, ليش مكتوب عليها تعيش لحالها .. وولدها وبنتها اللي ماصار لها لحظات بالدنيا ,, ولاشافت ابوها
تخلى عنها... تركها لجور الدنيا تنهش فيها...
عاشت ايامها صعــــــــبه ... تعبها نفسياوجسديا .. محد رحمها ...حســـــــــــت بالضعف ,,, خذلها حبيبها صدمها .. طعنهاا وهي حيه..
بكت قهر .. بكت الم..ذبـــــــــــــــحها ولدها وهو يسألها مــــــــــــــــامــــــــــــــــــا ويـــــــــــــن بــــــــــــــــابــــــــــــــــــــــــــا؟؟؟؟
تواسي نفسها والا تواسي ولدها...
وش هالابو ... ليش يعيش ولدك وبنتك اليتم وانت موجود؟؟؟
يمكن لو يشوفون ابوهم بالشارع مايعرفونه,,,
مرت الايام اثقل من الجبال على قلبها المسكين .. مشت الايام والسنين ولهااليوم الابو نـــــــــــاسي عياله
حتى حق الله فيهم ماعطاهم .. كبرو لا ربى ولاسأل عنهم كل هذا لان ام الزوج ماتبي زوجته
شافت كل هذا من الدنيا وعمرها لم يتجاوز 22 سنه
ابي اللي يقرا هالقصه ماتمر عليه مرور عادي اقل شي يسويه يدعي لراعية القصه ان الله ينصرها على اللي ظلمها وياخذ حقها
وفعلا .... يــــــــــــــابخت من بـــــــــــــات وهو مظلــــــــــــــوم ولا بـــــــــــــات وهـــو ظــــــــــــــــالم

الله يفرحها يارب وياخذ حقها من الي ظلموها

والله حرام يعني الام ماتسوى عليها ماودها تشووف ولدها فرحان ولاتخرب عليه

ووهو تنح بعد وغبي اجل ينهي الي بينهم عشان الولاده تاخرت شوووي وليته كثير

ويقول نصابه متخلف هذا

مشكووووره على القصه والله يوفقها بحياتها يارب ويرجع لها زوجها ولعيالها بدون اي مشاكل

اميين .. اشكرك على مرورك دلع ويارب يستجيب منك

*يعطيكي الف عافية *

*جد القصة محزنة*

*انشالله ربنا يوفقها ويفتح الها ابواب الفرج*