يا ناس ما نبي هيئة !‎

غزال نجد

السلام عليكم


كيفكم وشخباركم ؟!
عساكم بخير وصحه


بالايام الاخيره بدينا نشوف اللي يقول بقوة عين " ما نبي هيئه " وبدأت الجرايد العلمانيه تتصيد اخطائهم كانها اخطاء من كوكب آخر
وكل يووم نشوف الهيئه تتسبب في مقتل شخصين بالمدينه وخبر ثاني الهيئه تسببت في مقتل شخصين بتبوك او شخص برفقة امرأه
طيب مين هذي الامرأه ../ زوجته ، أخته ، أمه ..؟!
ما احد ينكر ان بعض اللي يسوونه رجال الهيئه او الحسبه فيه نوع من الخطأ وهذولي ناس تنعد عاليد لكن بسبب التصيد تحس انهم كثير
وصرنا نخاف منهم حتى بالاسواق ومن كثر ما نسمع عنهم قصص والاشياء اللي يسوونها
ما ابي اتطرق للموضوع بشكل كبير جدا ولكن ليش بدأ الناس يلومون الهيئه بكل شي رغم ان الهيئه هي اللي تحمي اهلنا
شوفوا كيف يعانون عند مدارس البنات ويتصيدون اللي يضايقون البنات ويعتبرون جميع اللي بالمدارس مثل اخواتهم





با اقولكم قصة صارت لي شخصيا وهي اني كنت بمجمع الجامعه بلازا ومعاي ولد عمي وكنا عادي ندخل هالمركز ومافي هيئه كغالبية اسواق جده
وشوي شفنا الهيئه ومعهم العسكري المرافق وانا وولد عمي والله ما سوينا شي ولا ودنا نسوي شي لكن رجولنا بدأت تتنافض وحسينا اننا بننام عندهم اليوم
ومن قوة الخوف خلاص قررنا نطلع من المركز بلا بودي شوب بلا هرج ، وكانت ليلة العيد يومها او قبل العيد بيومين اظن
ويوم طلعنا ووصلنا للمواقف شوي الا واحد من الاشخاص اللي بالهيئه ينادينا
افاا ،، قلنا وش السالفه وسحبنا على جنب وقال معكم سياره قلنا ايه معنا وقال فيها مسجل ؟!
قلنا ايه فيها مسجل ،، وقال لا تكون فيها اوفرات ،، قلنا لا لآ ( مسوين اننا مؤدبين ) وقال امسكوا هالشريطين واتمنى تستفيدون منها
وشوي مسكت كلاحه مع ولد عمي وقال ياخي ( ما يعرف يقول شيخ مشووله ) احنا نبغى نشتري من السوق والله ولا لنا نية شينه بس شفتاكم شردنا
قال طيب تعالوا وش بغيتوا تشتروونه هاا ( يمزح معنا يا حليلنا ، هيئه ويمزحون مو مصدقين كنا ) قلنا نبي عطور جسم وزي كذا
على طول مسك يد ولد عمي وجينا نشتري واحنا نحسبه يبي يتاكد اننا نشتري ولا نصابين ويوم جينا نحاسب حلف ما نحاسب وحاسب عننا وكان المبلغ فوق الاربعمئة ريال وقال اعتبروها هديتكم للعيد





المهم شكلي قلت قصه مالها دخل بالموضوع بس كل يووم اشوف جهودهم وفوق كذا الناس تستقعدلها والعلمانيين يحركون اعلامهم ضد الهيئه والحمدلله انه في حكومة عندنا ما تلتفت لهذي الاشكال



ليش حنا ما نساعد الهيئه ونكون عون لهم ونشكرهم على اللي يقدموا لنا
كم من بنت عانت سنين وسنين واخرها قبل حوالي اسبوعين
بنت 10 سنوات تعاني من ابتزاز شاب لها ،، واخذ منها قروض ورواتب وما لقيت حل


!.. ورآحت للهيئه وحلواقضيتها وقبضوا على الشاب وشالوا منه كل شي يبتزها فيه وحولوه للمحكمه


وين اللي يقول الهيئه هدامة بيووت رغم انه الحالات اللي يقبضون عليها 90% يتكتمون عليها حتى يسترون على البنت ومع ذلك الاعلام ضدهم

اشياء واشياء كثيره يسوونها لله رغم بعض الرجال المحسوبين عليها الا ان الهيئه تبقى الاهم بالمملكه



خلونا نوقف معاهم ~ حتى يبقى بلدنا نظيف نوعا ما
ونوقف بوجه الفتنه اللي كل مالها تزداد



كيف نعيش بلآ هيئه


؟

დ đlз bηάтyαţ ღ

غزال نجد

الله يعافيك دلوووعه