|
المنتدى :
صرقعة
نحر الرهينه " بنت مطيوره" القصه الكاملة (( خاص جدا ))
[align=center]
في ليلةٍ ليلاء من سبتمبــرٍ
.............. قامت لها الدنيا وطاحت الابـــراجُ
7
7
7
يسمع بالمقدمات قبـــاني السعودية
عنــاصر الموضوع :
1- عصير كي دي : هو العصير الذي حين تشربهو تحس انكا بطلن كبيرن
2- جريش : حاجة يطبخونها من العصر وماتخلص الى الساعة 11 وتنتظرها تبرد الى الساعة 12 وبعدين يجيك النوم وتنام وماتقوم الا بكرة وتلقاها معفنه وتطبخ وحدة ثانيه
3- البنت المطيوره: بنت دايم تسرق عصير الكي دي من بقالة ابو سعيدان
4- بقالة ابو سعيدان : هي البقالة الواقعه في حارة الملاحيس ومايبيع الا عصير كي دي بس
5- ابو سعيدان : شايب طاعن في السن يعني رِجل على القبر والرِجل الثانيه بعد على القبر هذا إذا كان فيه رجلين اصلاً . . إضافة إلى انه مايشوف الا بعين وحدة وحتى عينه الوحيدة بعد ان تم الكشف عليها تبين انه ناقص نظرها ( -12465) وتم قص نظارة طبيه مقعرة له لو تصفق فيها ورع خر صريعاً
6- سعيدان : ستعرفونه اكثر عن قريب وهو ولد ابو سعيدان وجهه مليان شطوب ودايم ينام على خشمه ومرة جاه قطع في الرباط الصليبي اللي في اصبع رجله الكبير وسوا له ابوة عملية عبارة عن قشع اظفر الاصبع بسكــروب جزاءً لاصبعه وردعاً للاصابع الثانيه (وجه سنونه تصفق في بعض من الخوف)
7- ياللي تقرون واحد ينقز ويجيب لي بيرة بربيكان بالتوت ودي امخمخ على الموضوع
المقدمة :
لا ما ابي اموووت . . انا عاوزة اعيش . . انا فتاة يافعه في عمر الزهور . . والله توووبه ما عاد اعيدها . . انا زاتي بنت حبوبه . . يخلي لي اياك ماتدبحني . . انا ماشربش الشاي ولا اشرب عصير كي دي ولا اشرب ايتوها حاقه . . يابابا لاعاد ترسل احد الى البقاله حقت ابو سعيدان . . انقذني يا ابي . . ابي اعيش علشان اطبخ لك جريش . . ابو سعيدان سامحني واتزوج ولدك العصل سعيدان
7
7
7
تلك كانت آخر كلمات نطقت بها بنت مطيوره قبل نحرها بدقائق وبجميع اللهجات واللغات جلست تتوسل لاستجداء عطف الناس عبر التلفاز والراديو والمذياع والمصباح<--- تراة يحسب ان المذياع محل يبيع العطور علشان كذا كملها بالمصباح خخخخخخخ
المـــوضـــوع :
في مســـاء ذات ليلة مظلمه ظلامٍ دامس اشد دمستن من الفول المدمس يعني ليلة مافيها ضوء قمـــر ولا ضــوء سيارة ولا حتى ضوء السيكل العايدي 26 حق الهندي اللي يبيع في بقالة ابو سعيدان . . باختصار الليلة هذي مافيها ضوء<--- قل كذا من اول وريحنا لابوك لابو شرحك
وفي اثناء هذه الليلة خرجت بنت مطيوره من بيتها كعادتها متوشحتن جلبابها الاسود وعبائتها البيضاء وكنادرها الصفراء وشعرها الاحمر حيث يبدو لك منذ الوهلة الاولى انها علبة تلاوين متحركة او عبارة عن كراسة ورع في اولى ابتدائي طايحه في قلابة فووول حقت افغاني والافغاني من شدة حماسه وإخلاصه في العمل . . ماشاف هالكراسه حيث كان يغرف الفول في صحن لاحد الزبائن وغرف الكراسه مع الفول وسقطت الكراسة على الصحن ولكن الافغاني لم يدر بالاً لهذه الكراسة اللعينه ووضع عليها قليلاً من الكمون والفلفل الاحمر والطحينيه البيضاء<--- هذا هو الوصف الدقيق لبنت مطيوره ذيك الليلة (وجه يرفع حواجبه ويقول اوريتس يالشينه)
كعادتها الليلية تذهب مطيوره لبقالة ابو سعيدان وتسرق ماتشاء ان تسرق من عصير الكي دي . . حيث يـُـــقال انها مدمنه اشد الادمــان على هذا العصير وذكر لي شهود عيان انها كانت تضع سائل العصير في ابرة وتطزها في الوريد زي حقين الهروين والعياذ بالله من ذلك
ولكن في هذه الليلة ذات الشؤوم على متيوره لانها لم تستطع ان تسرق . . وحاولت بشتى الطرق ولكن هيهات هيهات ابو سعيدان جالس يراقبها ويقول اشتري ولا اقلبي وجهتس يا الشــابورة
وعندها ايقنت البنت انها لن تستطيع ان تسرق . . بدأت بتطبيق الخطة 10/5/ والتي كانت تنص على ان تبدأ حركات الغنج والإغراء لابو سعيدان حيث كان ابو سعيدان يقزها قزاً شديداً بعينه الوحيدة رغم ضعف نظره (وينك يام سعيدان تجين تشوفين ابو سعيدان وش يسوي عقب مافطستي )
====================
فـــاصل إعلاني :
شلة صراصير متجمعين في زاوية ويسولفون فجأة يطلع لهم صرصور على عكازة لابس فانيلة علاقي ويقول لابارك الله فيكم وش مسهركم لتالي هالليول قوموا ناموا نامت عليكم بقعا والعنز الصقعا . . وبينما هذا الصرصور العجوز يتكلم اذا باسنانه تقعد تلمع من شدة بياضها . . وهو يناظر في الكاميرا ويقول تبغى اسنانك تصير مثلي اشتر سيقنال توو . .
وين البربيكان بالتوت ياللي وصيتك . . بسرعة اخلص علينا
====================
عدنــــــــا
المهم قامت بنت مطيوره ببعض حركات الغنج حيث كانت ترفع عبائتها البيضاء لتظهر ركبتها السوداء اللي كلها شطوب . . فعندما يناظر ابو سعيدان هذا المنظر تقعد سعابيله تقاطر ويبدا يهذري ثم تضرب مطيوره ضربتها وتسرق ماطاب لها من كراتين عصير الكي دي . . يالها من ذكيه ويالهوو من مغفل
ولكن سعيدان كان يشك في وضع والدة حيث انه وجد في جوال والدة رسائل غراميه من خدامة جيرانهم السيرلانكية لان ابو سعيدان كان مخزنها بالجوال باسم ( ولدي سعيدان ) مع العلم ان سعيدان ملحـّط ماعندة جوال رغم انه كان يلح على ابوه بشراء جوال له . . ومن شدة الحاحه شرا له ابوة الجوال اللعبة هذاك ابو خمسة ريال وقال عبــّر نفسك فيه لين تتوظف وتشتري لك واحدٍ صدز . . اذهب فقلبي غضبان عليك ليوم الدين<---- احس اني بديت اخبص وش جاب الجملة ذي هنا . . بسرعة ياللي وصيتك بالبيرة البربيكان بالتوت عجل علي
وايضاً كان سعيدان يجد بعض الرسائل من ارقام مجهولة في جوال ابوة وبعضها غزلية ومنها كانت تلك الرسالة التي خلت سعيدان يقع على اول خيوط القضية . . حيث كان مكتوب: ابو سعيدان انا احبك اكثر من عصير الكي دي صح انك ووييع وولدك سعيدان ووويييع مثلك . . بس احبك يالكي دي
اول ماقرا سعيدان الرسالة . . نقز للبقالة حيث رأى ذلك المنظر الذي لم يتوقع ان يراه مادام حياً . .
حيث رأى ابوة ماسك العصا ورابط كيس زبالة اسود على وسطه وجالس يهز ومطيوره تصفق له وتزرط من عصير الكي دي وتعبي مخابيها..
حينها طارت بوهة سعيدان ومسك مطيوره واحتجزها كرهينه عنده لين يرجعون اهلها كراتين عصير الكي دي اللي سرقتها او انه سيقتلها . .
لكن اهل مطيوره رفضوا العرض حيث قال ابوها بالحرف الواحد :
طز فيكم انتم وبقالتكم الخايسه اللي مليانه صوارير . . وبعدين تبون تذبحونها اذبحوها بالعكس تفكونا من شرها اصلاً مابقى شي فالبيت الا اكلته تخيلوا انها أكلت الفازلين تحسب انه كريم كراميل . . يالها من بنتن موذيه . . اقتلوها وفكونا من شرها
انتهى كلامه حسبي الله على ابليسه . . ابتلشنا فيه هو وبنته
وبناءً على ذلك فقد قررنا نحن حارة الملاحيس ان ننحر مطيوره حتى مايجي واحدن ثاني تسول له نفسه انه يسرق عصير الكي دي من عند بقالة ابو سعيدان
وشارك في عملية النحر : سفير الحزن ، ، عاشق البنت(سعيدان)، ، الشغاله اللي كانت تحب ابو سعيدان حيث كانت اشد فرحاً بنحر مطيوره لانها تقول مابي احد يشاركني بحب ابو سعيدان
مايستــفاد من القصة :
1 - لاتشرب عصير كي دي فقد يكون سبباً في قطع رقبتك وارسالها بالــDHL
2 - مطيوره ايتها الشــابورة اين اهرب عنكي الان
3 - ترا عاشق البنت (سعيدان ) صديقي
4 - وينك ياللي وصيتك بالبربيكان بالتوت الموضوع خلص وانت ماجيت
دمتم ولاعدمنــــــــــاكم يــــــــارب
تحيتي
سفير الحزن[/align]
التعديل الأخير تم بواسطة سفير الحزن ; 02-14-2005 الساعة 11:12 PM
|
02-14-2005, 11:08 PM
سفير الحزن 
[/align]
[/align]
العرض العادي
